भदौ ९ काठमाण्डौ : बन्दीपुर–१ बानियाँटारमा बुधबार साँझ सुवास परियारका तीन वर्षीय छोरा सुलभ परियारलाई चितुवाले आक्रमण गरी घाइते बनाएको छ।
बानियाँटारमा साँझ करिब ५ बजे हेमबहादुर रानाको खसीलाई चितुवाले आक्रमण गरेर घाइते बनाएको र त्यसको लगत्तै सुवास परियारका तीन वर्षीय छोरा सुलभ परियारलाई समेत चितुवाले आक्रमण गरेको थियो।
डिभिजन वन कार्यालयका प्रमुख कोमलराज काफ्लेका अनुसार साँझ करिब ६ बजे घरको पिँढीमा खेलीरहेका परियारलाई चितुवाले तानेर लगेको र
उनलाई लैजान थालेपछि उनकी आमा पनि चितुवाको पछि-पछि कुदेकी थिइन्।
प्रत्यक्षदर्शी वासु पन्थका अनुसार करिब ५० मिटर टाढा पुगेर छोरालाई खोसेर ल्याउन सफल भएकी थिइन् । परियार चितुवा को आक्रमण बाट घाइते भएको र उनको डुम्रेस्थित मोति हेल्थ क्लिनिकमा उपचार गरिएको थियो । प्राथमिक उपचार पछी उनलाई थापा उपचारका लागि चितवन मेडिकल कलेज भरतपुर पठाइएको छ ।
केही महिनाअघि मात्रै बन्दीपुर–१ का ५ वर्षीय सुप्रिम बगालेको चितुवाको आक्रमणमा परी मृत्यु भएको थियो थियो भने उक्त घटनामा एक बालिकासहित दुईजना घाइते भएका थिए।
भदौ ९, २०७९ मा प्रकाशित
