काठमाडौं, १० भदौ
कपिलवस्तु, शिवराज नगरपालिका-३ मदवा बस्ने कुल बहादुर सुनारको २ वर्षीय छोरा ऋषी सुनारको घर नजिकै बन्दै गरेको सेफ्टी ट्याङ्कीमा डुबेर बिहीबार साँझ मृत्यु भएको छ । डुबेर अशक्त भएका उनको संजिवनी सामुदायिक अस्पताल चन्द्रौटामा उपचारको क्रममा मृत्यु भएको हो ।
गोरखा, पालुङटार नगरपालिका-७ अमिलटार बस्ने २९ वर्षीय प्रेम बहादुर कुमालको घर नजिकैको ईनारमा डुबेर बिहीबार दिउँसो मृत्यु भएको छ ।
धनुषा, विदेह नगरपालिका-२ बस्ने ६० वर्षीय राजेन्द्र राउतको सोही ठाउँस्थित पोखरीमा डुबेर बिहीबार साँझ मृत्यु भएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
भदौ १०, २०७९ मा प्रकाशित
