काठमाडौं, २६ भदौ - काठमाडौं, बुढानीलकण्ठ नगरपालिका-२ माथिल्लो भंगाल बस्ने म्याग्दी रघुगंगा गाउँपालिका-३ घर भएका ७६ वर्षीय हेम बहादुर मल्लको आफ्नै घरको कम्पाउण्ड छेउमा रहेको इनारमा डुबेर शुक्रबार दिउँसो मृत्यु भएको छ ।
कपिलवस्तु, शिवराज नगरपालिका-२ बसन्तपुरस्थित माछा पोखरीमा डुबेर उक्त पोखरीको चौकिदार सोही नगरपालिका-१ बन्कसबासा बस्ने ५० वर्षीय कुबेर सिंह बुढामगरको शुक्रबार साँझ मृत्यु भएको छ ।
धनुषा, जनकपुर उपमहानगरपालिका-३ सोनसति मन्दिर नजिक पोखरीमा डुबेर सोही ठाउँ मामा घर बस्ने महोत्तरी औरही नगरपालिका-४ कटुवार घर भएका मनोहर सदाकी छोरी १ वर्षीया राखी सादाको शुक्रबार दिउँसो मृत्यु भएको छ । पोखरीमा डुबेर अशक्त भएकी उनको प्रादेशिक अस्पताल जनकपुरमा उपचारको क्रममा मृत्यु भएको हो ।
कञ्चनपुर, दोधारा चाँदनी नगरपालिका-३ बडुवाल टोल बस्ने ५३ वर्षीय रंगलाल बादी सोही नगरपालिका-३ जोगवुढा नदीमा डुबेर शनिबार दिउँसो मृत्यु भएको छ । उक्त नदीमा बगि आएको दाउरा तान्ने क्रममा डुबेर मृत्यु भएको बताइएको छ ।
यस सम्बन्धमा प्रहरीले थप अनुसन्धान गरिरहेको छ ।
भदौ २६, २०७९ मा प्रकाशित
