काठमाडौँ : जारी १३औँ दक्षिण एसियाली खेलकुद (साग) को करातेमा अनुपमा मगरले स्वर्ण पदक जितेकी छिन् । बुधबार सातदोबाटोस्थित कभर्डहलमा भएको फाइनलमा उनले ६८ किलोमाथिको प्रतिस्पर्धामा पाकिस्तानकी नर्गिसलाई पराजित गर्दै स्वर्ण जितेकी हुन् । यससँगै करातेबाट नेपाललाई १० स्वर्ण हात परिसकेको छ । जारी सागमा नेपाललाई करातेबाटै मण्डेकाजी श्रेष्ठले पहिलो स्वर्ण पदक दिलाएका थिए ।  - annarpurna post